想同九成女性打開話匣子，我會建議你傾邊隻粉底好唔好用，保證可以至少傾到十分鐘。我用過的粉底只有十幾枝，包括開架、專櫃、由平價到貴價都有，最近我去MAKE UP FOR EVER專櫃望望，唔使靚女BA點SELL ，我就已經敗左佢嘅粉底同碎粉。
如果擁有完美膚質的女性話我知，邊隻粉底好好用，我會半信半疑，其實你地唔使化粉底，都可以行到出街，我會勸你地唔好搽咁多粉底，否則點護膚都未必補得返啊！！！！點解咁激動，就係因為小妹曾經爛面過半年，好返之後一直好緊張皮膚，所以經常唔小心做咗護膚大使。
我一直好想搵一枝做好遮暇，亦唔會令你生粒粒嘅粉底，但暫時仲未搵到果枝「命中注定的粉底」，咁就來傾傾覺得唔錯嘅先啦。
買左半個月HD foundation (y235 Ivory beige) $380、HD loose powder$350同埋佢專用的Powder Kabuki brush $440。岩岩一搽上面果陣，我真係好震撼，用手上粉都居然好貼又薄、而且遮暇度都唔錯，用埋礦物碎粉，膚質望落即刻唔錯，功效神奇！當我以為「自己找到了」(普通話) ，個感覺一出街就幻滅！
夏天行出街就汗流浹背，皮膚好易出油，要維持住long lasting唔容易，呢枝高清粉底，一出油就好易溶妝，食完飯去廁所照鏡，溶到居然變成素顏咁。所以我而家用返RMK creamy foundation 加MAKE UP FOR EVER礦物碎粉，個妝全日大致都維持到，得閒印下粉餅就可以。枝神奇HD 粉底，留來放假去行商場先用，我諗先岩易出油嘅我。
至於Powder Kabuki brush，聽BA講佢礦物粉專用，可以修飾毛孔，唔知用其他碎粉係咪有一樣功效呢？下次試用分享。
同場加映:
Guerlain rouge G 28 lipstick
Guerlain唇膏都有幾個系列，坦白講KISSKISS系列包裝同色都無驚喜來講。而「紅寶石」系列雖然超級重，因為內藏鏡子，亦有磁石吸住，外觀幾靚於是立即入手。本來以為只是「花瓶」，但用落隻色好出，搽一層就夠紅，而且唔使搽潤唇膏打底都夠潤，但係價格太貴，我暫時買一枝用就夠啦。
價格$4XX(專櫃價)，去SASA官網睇先$2XX，下次去買完再分享係咪一樣
Search